بحث هذه المدونة الإلكترونية

الأحد، 1 مايو 2011

الحب ثم الحب ثم الحب

 بسم الله الرحمن الرحيم
النهارده اتكلم عن الحب ثم الحب ثم الحب 

الحب مفتاح القلوب الحب ثم الحب ثم الحب

كل واحدة فينا تقعد مع نفسها وتقعد تفتكر كل صفات جوزها الجميلة وكل مواقفه الحلوة معاها وأعماله الصالحة ومواقف الشهامة والرجولة الي عملها والذكريات السعيدة الي بينهم والاماكن الجميلة الي كانوا فيها مع بعض وتعبه في شغله عشانك وعشان الاولاد وكبري الصورة دي في نفسك اوي عشان تشوفيه كبير ومحترم ويستاهل حبك واحترامك وتقديرك 

بس أوعي تقولي انا مش لاقية له حاجة حلوة لان ده مستحيل ما في انسان يخلو من خير 
وكل ذكرى وحشة او موقف ضايقك منه تجاهليه دلوقتي ان شاء الله نعالجه بعدين بس افتكري احنا بنبدأ صفحة بيضا جديدة 

انا متأكدة انك باذن الله لو عملتي كدة هتلاقي ان جوزك فيه حاجات كتيييييييييير حلوة انتي ما كنتيش شايفاها وهاتحسي ان فعلا الحب هايزيد في قلبك وهاتروحي بسرعة تعملي له حاجة حلوة تفرحيه بيها 

هاروح أجمع افكار تاني وانتو يا فتوكات كله يشتغل ان شاء الله عاوزين السعادة ترفرفر على كل بيوت المسلمين والحب الي يرضي ربنا يملا القلوب 

طاعتي لزوجي لا تنقص من قدري 
طاعتي لزوجي ارضاء لربي 
طاعتي لزوجي امتثالا لأمر حبيبي محمد صلى الله عليه وسلم 


يالا على فكرة النهاردة دي بقى ليكي انتي يا قمر ليه لان ربنا فطرك عليها ربنا فطر كل النساء على حب الزينة والجمال 

الله جميل يحب الجمال 
انتي قمر انتي حلوة انتي أميرة 

*&*&*&

وعلى فكرة انت حلوة ولازم تكوني احلى لنفسك اولا لانك تستاهلي تكوني حلوة ومعروف ان كل ما بتهتمي بنفسك وجمالك كل ما ثقتك في نفسك بتزيد وتشعري بكيانك اكتر
وثانيا انتي حلوة لجوزك حبيبك لان المحبوب يحب دايما يشوف حبيبه في احلى صورة 
فساتين - ازياء - لانجري - وصفات طبخ - ملابس اطفال - مكياج - تسريحات - منتدى نسائي


ايه بقى الخطوات العملية - طبعا يا قمر دي امثلة وماشاء الله المنتدي ملياااااااااان بوصفات هايلة نشوفها ونحاول نطبقها ان شاء الله 

1- العطر ( البرفان ) تعرفي ان الرسول صلى الله عليه وسلم اشترى للسيدة فاطمة بنصف مهرها عطور شوفتي العطر مهم اد ايه اشتري برفان حلو وياريت بكون من نوع جوزك بيحبه ومش مهم لو غالي يستاهل

2- جددي في نفسك اعملي نقش حنة - صبغة - غيري قصة شعرك- غيري نمط لبسك في البيت جربي تلبسي لبس خروج في البيت - غيري الوانك الي متعودة عليها

3- انزلي اشتري هدوم جديدة ونقي الوان رومانسية ناعمة وتكون فيها انوثة وحركات وتظهر جمالك ومش هاوصيكي على اللانجري 

4- اعرفي ايه اكتر حاجة جميلة فيكي وابرزيها يعني لو جسمك حلو ورشيق هاتي هدوم تظهر ده اكتر ولو اسنانك حلوة خليكي مبتسمة طول الوقت ولو مش حلوة خليكي مبتسمة بردو عشان دي صدقة 

5- اعرفي ايه المشاكل الي ممكن تقلل من جمالك وحاولي تعالجيها يعني الوزن زايد حاولي تنزلي شوية شوية وما تحبطيش نفسك لو مقدرتيش ولو عندك مشاكل في البشرة او الشعر حاولي تعالجيها 

6- الصوت اكتر ما يميز الانثى خلي دايما صوتك واطي وناعم وقريب للهمس طبعا دي ممكن تبقى صعبة شوية عند بعضنا بس معلش نحاول وتكون مشيتك وحركاتك فيها رقة ودلع عشان يحس ان في فرق بينك وبين صاحبه الي معاه في الشغل

7- نضفي نفسك من جوة يعني الغل الحسد الحقد الكره كل الحاجات الوحشة دي اوعي تكون في قلبك وانا ان شاء الله عارفة ان كلكم قلبكم زي الفل

8- كل ما تحسي من جواكي انك جميلة كل ما ده هاينعكس على شكلك الخارجي وينتقل الشعور ده لكل الي حواليكي واولهم جوزك حبيبك

9- قيام الليل السر الاول للنور ووضاءة الوجه 

انا كدة خلصت هاروح بقى اضور لكم على افكار جديدة واجيبهالكم ان شاء الله وانتو كمان يا قمرات يالا عاوزين همة وزي ما اتفقنا 
كل يهون عشان الجنة 


*&*&*&*&*&*&*&*&

الحب ثم الزواج او الزواج ثم الحب

القسم الاول:

يرى ان اهم شيء في الزواج الحب والا لما استمر الزواج ويقولون ان اسباب الطلاق هو عدم وجود حب من الاول تقول المراءه لا استطيع العيش مع من لا احب وكذلك الرجل حتى اذا كان لايفهمهااو تفهمه المهم هو الحب .

القسم الثاني:

الزواج ومن ثم يأتي الحب يقولون المهم الاحترام المتبادل بين الرجل والمراءة والتقدير تبادل الاراء والتحاور بينهماوالحب يأتي من مواقف عديده في الحياة المراءة الناضجه التي تفهمني وافهمها حتى من دون وجود حب ويرون ان اكثر الذين يحبون بعضهم قبل الزواج ويعيشون فترات طويله من الحب بعد فتره من الزواج اما ان تكون طويلة او قصيره لا يستمرون.


*&*&*&*&*&*&*&

ما هو اجمل شئ فى حياتك


  المال..البنون..الشهرة..النفوذ..القوة..ام السلطان ؟؟؟؟

ربما يختار الكثيرون كل هذه الاشياء او واحدا منها,لكنهم هل سيشعرون بالسعادة لو اتيح لهم الحصول على ما يريدون ؟

لا اعتقد ذلك فليس اى شئ من هذه الاشياء قادرا على منحهم السعادة والرضا بقدر ان تشعر بانك اديت عملك فى ذمة راضية وقلب مطمئن وان الناس يحبونك وانت تحب كل الناس

                      فما اجمل الحب

                            حب الله

                                 حب العمل

                                حب الخير

                                   حب الغير

                        حب الامل

                             حب الجمال 

*ان الله جميل يحب الجمال* 

                              حب التضحية 

                       حب العطاء 

*عطاء بلا حدود* 

                                    حب الحياة 

فالحب هو اسمى لغات العالم 

الحب هو غذاء الروح 

الحب هو الامان 

*اذا احببت نفسك احببت حياتك * 

*اذا احببت حياتك احببت قدرك* 

*اذا احببت قدرك احببك الله* 

*اذا احببك الله احببك كل من فى الارض و السماء* 

هيا بنا ننزع كل ما فى نفوسنا من كره وحقد 

هيا بنا نرضى بما قسمه الله لنا 

هيا بنا نعطى ولا ننظر ماذا سنأخذ 

هيا بنا نضحى كى نسعد من حولنا 

هيا بنا نحب الحياة 

*حب حياتك تنجح أمالك* 

*حب حياتك تحقق احلامك* 

واخيرا الحب ثم الحب ثم الحب ثم الحب
رنا محمد

ليست هناك تعليقات:

إرسال تعليق

المشاركات الشائعة